نساء تخطب الرجال

الزواج هو الفكرة الرئيسية للكثيرين وبالطبع الكثيرات البعض يتزوج مبكرا والبعض الاخر متاخرا البعض يتزوج عدة مرات والاخر مرة واحدة والبعض الاخر ولا مرة ! والنساء هن الاكثر معاناة في هذا الامر حيث ان دور المراة في عملية الزواج مازال سلبيا اي بمعنى انها يجب ان تنتظر حتى يتقدم اليها احدهم ثم تقرر الزواج منه من عدمه وهو امر بعيد عن الانصاف بعض الشيئ حسب تفكير سعاد التي بلغت اواخر الثلاثينيات ولم يحالفها الحظ في العثور على شريك الحياة , لانها مقبولة الشكل وذات اخلاق رفيعة ومتعلمة ولديها راتب جيد وتعمل في احدى المؤسسات الحكومية التي تشرف على الايفادات والبعثات الى الخارج ولاترى سببا في عدم تقدم الشبان لها ولاترى انه من العدل انها يجب ان تعيش بقية عمرها بدون عائلة او اطفال لمجرد انها لم ترق في عين احدهم .</span>
دخلت الى محل عملها حيث صديقاتها اللواتي يعانين من نفس المشكلة وكانت احداهن تتحدث عن عرس احد اقربائها اللذي تزوج من فتاة اصغر منه 20 سنة لا لسبب سوى ان الرجال يحبذون صغيرا ت السن لانهن طريات الجسد والعقل في وقت واحد وكان هذا الموضوع فتح جروح سعاد التي قالت بمرارة :</span>
- والله الجواز ده حاجة غريبة في مجتمعاتنا ,ليه الواحدة لازم تقعد وتستنى على مالراجل هو اللي يقرر انه يخطبها والا لا ؟ طب ليه الست ماتخطبش الراجل ؟</span>
- ياخرابي ياسعاد !! هي حصلت الستات تخطب الرجالة ؟طب تيجي ازاي دي ؟</span>
- وفيها ايه ؟ ايه المشكلة ؟ مش سيدتنا خديجة (رض) عرضت على سيدنا الرسول (ص) الزواج وهي اكبر منه ب 15 سنة ؟</span>
- اه بس ده كان حالة خاصة </span>
- وليه مانعملهاش حالة عامة واهي تبقى سنة حسنة </span>
- والله يا سعاد ده كلام كبير ويخوف !!</span>
- يخوف ليه ؟ اساسا لو كان الموضوع باايدي كنت اممت الرجالة !!</span>
- تاميم الرجالة ؟؟؟؟ همة الرجالة بقوا زي قناة السويس ؟ </span>
- اه تاميم الرجالة يعني مافيش راجل حر نفسه يعمل اللي هو عايزه يتجوز ساعة مايحب واي واحدة تعجبه حتى لو كانت اصغر منه بعشرين سنة طب لما اللي عنده 40 عاوز بنت </span>عشرين واللي عنده 30 برضه عاوز بنت عشرين طب بنت الثلاثين مين اللي حيتجوزها بس ؟</span>
- حلوة فكرة التاميم دي ياسعاد ومادام كده احسن حاجة يحطوا الرجالة في البورصة ويوزعوا اسهمهم على الستات </span>
تدخلت الزميلة الثالثة وقالت :</span>
- لا ده انتوا واخدين الموضوع جد جدا ايه رايكم تعملوا حزب تسموه الحزب النسائي للزواج الاستثنائي ؟</span>
ردت سعاد </span>
- والله فكره ويكون شعاره الزواج التام او الموت الزؤام </span>
- اه واهم اهدافه تحرير الرجالة العربية من الستات الاجنبية ورجالة العرب للستات العرب !!</span>
- بالروح بالدم نفديكي ياسعاد !!</span>
تحمست سعاد وقالت بصوت كله ثقة </span>
- اخواتي المناضلات من اجل الزواج لن نرضى بالخيارات الانهزامية والاستسلامية واي واحد يعجبنا حنخطبه غصبا عن حبابي عينيه واللي يحصل يحصل !!</span>
- وفي خضم هذا النقاش دخل احد المراجعين لغرض اكمال معاملته الخاصة ببعثته الدراسية الى اوروبا تنحنح وسلم فالتفتت الفتيات الثلاث صوبه والقين عليه نظرة الشاري على البضاعة من فوق الى تحت واخيرا قالت سعاد :</span>
- انت اسمك ايه ؟</span>
- سعيد </span>
- عندك كام سنه ياسعيد ؟</span>
- 39 سنة </span>
- اعزب والا متجوز؟</span>
- اعزب يا افندم بس ليه الاسئلة الغريبة دي ؟</span>
- انت مش طالب بعثة ؟ يبقى واجبنا نعرف عنك كل حاجة !! وبالتفصيل لو سمحت </span>
- امري لله </span>
- عندك شقة ؟</span>
- اه وتمليك كمان </span>
- مشاء الله وامال اعزب ليه لحد دلوقتي مادام عندك شقة ؟</span>
-والله مالقيتش واحدة تناسبني </span>
- ياسلام البلد فيها على الاقل 30 مليون بنت في سن الزواج مافيش ولا واحدة عجبت فخامتك ؟ ليه ؟عاوز تتجوز السفيرة عزيزة مثلا ؟</span>
- ياهانم ايه علاقة الكلم ده بطلب البعثة اللي انا مقدم عليها ؟</span>
-علاقته انك يا افندي عايز تروح اوروبا تدور على حل شعرك مع الخواجيات واخرها تتجوز واحدة منهم وتجيبها معاك !!</span>
- وعلى فرض كده , مالكم انتم والكلام ده ؟</span>
- مالنا ازاي مش احنا بنات البلد ؟ نتجوز مين ؟ نستورد رجالة من برة يتجوزونا؟</span>
- والله انتو احرار </span>
- احرار في عينك قليل ادب , انت تديني عنوانك ونمرة تلفونك وتروح بيتكم تقول لابوك وامك احنا جايين نخطبك الليلة دي !</span>
- ايه الهزار الثقيل ده ؟ عيب يا انسة مايصحش </span>
- هزار ايه ؟ مين اللي بيهزر معاك ؟احترم نفسك وروح بيتكم وخد دقنك والبس هدوم حلوة علشان تعجب واحدة فينا احنا الثلاثة وترضى تتجوزك ومش عايزين عشا وخلي بالك لو عملت حاجة كده والا كده حنغير بعثتك على زيمبابوي بدل اوروبا فاهم ؟</span>
ويبقى السؤال مطروحا هل يجوز ان تتقدم الفتاة للشاب اللذي يعجبها وتعرض عليه الزواج ام لا ؟ ولماذا ؟

العفووووووووووو
والله نورت الموضوع ويعطيك الف عافيه
على رايك وردك السليم